Nan kò a, òmòn melatonin se mesaj natirèl ki di sèvo a « li lè pou dòmi. » An tan nòmal, kò a kòmanse pwodwi melatonin tanzantan apre solèy kouche; sa ede kò a prepare pou repo lannuit la. Men lè nou ekspoze tèt nou a limyè ble nan aswè, sèvo a entèprete li tankou limyè solèy la epi ralanti pwodiksyon melatonin, sa ki fè li pi difisil pou dòmi pran w e ki ka retade sik dòmi-reveye a.  

Etid syantifik yo montre menm yon èdtan ekspoze a limyè ble anvan kabann ka diminye melatonin jiska plis pase 50 %, sa ki lakòz moun pran plis tan pou dòmi e gen mwens dòmi pwofon. Pwoblèm nan pa sèlman tan pou tonbe nan dòmi, men tou « kalite » dòmi an ka afekte.  

Anplis, ekspoze a limyè ble nan aswè ka fè sèvo a panse li toujou lajounen, kidonk li pa lage siyal ki nesesè pou kò a chanje nan « mòd repo. » Sa eksplike poukisa lè w ap gade ekran li fè w rete reveye, menm si w santi w fatige.  

Etid yo montre tou si yon moun evite limyè ble 1–2 èdtan anvan l dòmi, sa ka ede melatonin retounen pi rapid epi fè w dòmi pi byen. 

Men kisa w ka fè pou evite ekspoze je w ak limyè ble ekran. Limite itilizasyon aparèy, sèvi ak mòd « nwit » oswa filtè limyè ble, oswa senpleman chwazi aktivite kalm tankou li yon liv anvan w kouche.  

N ap raple w limyè ble pa sèlman nan ekran w ap itilize yo; limyè LED nan chanm nan oswa lòt sous limyè entans nan aswè ka genyen menm efè a sou ritm sikadyen ou.  

RTMI

L’article Yon kesyon  | Poukisa limyè ble ekran an konn anpeche nou dòmi ? est apparu en premier sur Radio Télé Masseillan Info.

Presyon ak Anksyete Fizik

Anksyete pèfòmans seksyèl (Sexual Performance Anxiety):

Sa a se yon fòm anksyete kote gason pè yo pa ka “pèfòme” tankou kenbe oswa jwenn epidisyon, avan oswa pandan ak seksyèl la. Li kapab lakoz difikilte tankou ereksyon ki pa maton, ejkilasyon twò vit oswa twò rèd, menm pa gen ògasm. Sentòm fizik yo enkli kè ki bat vit, swe, ak tansyon ki ogmante. Rechèch montre  ant 9% pou rive 25% gason soufri sa. 

Sitiyasyonèl disfonksyon erektil (Situational ED):

Plizyè jèn gason, patikilyèman lè yo fè eksperyans seksyèl pou premye fwa, fè eksperyans difikilte erektil ki asosye ak estrès oswa santiman de tèt yo. Yon revizyon te jwenn ke jiska 30% gason seksyèlman aktif anba 25 lane te rapòte omwen yon epizòd difikilte erektil sa a. Sa yo te souvan tanporè epi pa t reflechi yon pwoblèm fizik grav .

Reyaksyon fizyolojik estrès:

Lè yon gason santi gwo presyon sou tèt li, sistèm « lagè-ou-fouye » nan kò a aktive: kè bat pi vit, respirasyon twouble, akòz ogmantasyon nan kòtizòl ak adrenalin. Sa redwi san nan grenn nan epi rann ereksyon an difisil oswa efemè.

Imaj kò ak konparezon sosyal:

Sosyete, medya, ak pònografi souvan mete yon imaj gason “atiran, konfyan, toujou pare pou fè sèks.” Lè gason pa satisfè sa, yo santi yo fèb, e sa ogmante estrès pandan premye fwa a .

Gwosè bwa :

Gen yon preyokipasyon entèlektyèl sou gwosè bwa anpil gason pote depi adolesan. Li sibi enpak sosyal kote yo santi yo dwe satisfè patnè yo fizikman, e sa ka rann yo plis anksye .

Espektasyon pèsonèl ak sosyal sou bon jan “pèfòmans”:

Sosyete prezante premye fwa seksyèl kòm yon moman kritik ki rive yon sèl fwa; echèk oswa difikilte nan moman sa a ka fè moun santi yo jije, ensekirite, oswa pè pou yo echwe ankò .

Efè sou konfyans seksyèl ak sante seksyèl alavni:

Etid montre ke gason ki santi yo pa te « prepare » oswa ki konsidere yo twò jèn oswa twò gran pou premye fwa, souvan devlope plis anksyete pèfòmans, ki diminye konfyans seksyèl (sexual self-efficacy), e sa ka afekte relasyon yo nan lavni .

Santiman de regrè oswa konfizyon:

Yon rechèch sou kòmanse aktivite seksyèl (sexual debut) sou plis pase 6 000 etidyan jiska 2019 revele ke pandan majorite (57%) te santi tan apik pou premye fwa seksyèl yo, pifò gason te santi mwens regrè pase fanm. Sepandan, pifò nan sa ki te regret se te moun ki te santi yo te twò jèn oswa pa t pare pou sa . 

Pi gwo presyon yon gason ka fè fas lè l ap fè premye eksperyans seksyèl li gen rapò ak anksyete pèfòmans fizik, estrès sosyal, ak òbjektif pèfòmans entèlektyèl. Sou plan fizik, sa souvan manifeste kòm difikilte erektil tanporè oswa tout bon. Espirityèlman li mande konfyans, edikasyon, ak kominikasyon ouvè pou redwi sa a.

RTMI 

L’article Presyon seksyèl premye fwa : mit oswa reyalite pou gason ? est apparu en premier sur Radio Télé Masseillan Info.

Nan lavi chak jou, nou souvan konfwonte ak sitiyasyon kote nou santi kèk fraz oswa deskripsyon pèsonalite sanble fèt espesyalman pou nou. Pa egzanp, lè w tande yon moun di : ou se yon moun ki gen bon kè, men ou souvan pa santi w apresye. Ou touswit santi se pou ou pawòl sa ye. Se lavi w l ap dekri. Men, èske w te konnen sansasyon sa a se yon efè sikolojik yo rele « Effet Barnum » ?

« Effet Barnum » lan, yo rele l tou « Effet Forer », « Effet de Validation Subjective » oswa « Effet Puits », se yon mòd panse kote nou gen tandans aksepte yon deskripsyon jeneral sou pèsonalite nou kòm si l t ap pale de nou menm sèlman. An reyalite, se yon ilizyon sikolojik ki fèt lè nou kwè yon fraz ki kapab aplike pou tout moun se yon bagay ki vrèman ap dekri nou. Se kalite efè sa a moun k ap fè owoskòp, « coaching motivation », gid espirityèl souvan itilize pou manipile kwayans ak santiman moun.

Fenomèn sa a, ki pote non P.T. Barnum, yon antreprenè ameriken ki te koni pou abilite li nan manipile emosyon moun, baze sou kapasite moun genyen pou aksepte deskripsyon jeneral ak vag kòm si yo te pèsonalize. An reyalite, sikològ Bertram Forer te fè eksperyans sou sa an 1948, kote li te bay chak etidyan yon deskripsyon pèsonalite ki te sanble trè presi. Malgre sa, tout elèv yo te resevwa menm tèks la. Rezilta yo te montre majorite etidyan yo te kwè deskripsyon an te koresponn ak yo pèsonèlman.

Sa ki eksplike efè sa a, se lefèt ke nou tout ap chèche validasyon emosyonèl epi nou gen tandans konsantre sou aspè pozitif yo, pandan n ap inyore sa ki pa koresponn ak nou. Se poutèt sa, nou fasil tonbe nan pyèj owoskòp, tès pèsonalite sou entènèt ak prediksyon moun ki pretann li lespri nou.

Pi lwen toujou, Efè Barnum lan ouvè chemen pou manipilasyon sikolojik. Moun ki fè fo pwofesi, fo gid espirityèl, oswa moun ki pretann yo ka li avni, pwofite sou feblès sa a pou kontwole kwayans ak desizyon moun. Kidonk, lè nou vin konsyan de mekanis sa a, sa ede nou devlope yon lespri kritik epi evite pran desizyon sou baz enfòmasyon ki pa fonde.

An reyalite, solisyon an pa tèlman difisil. Se aprann mande tèt nou chak fwa nou tande yon deskripsyon : « Èske sa ka aplike ak tout moun ? Èske se vrèman de mwen y ap pale, oswa se lide jeneral ki kapab mache ak nenpòt moun ? » Se nan refleksyon sa a nou ka evite manipilasyon epi vin plis okouran de fason lespri nou fonksyone.

Kidonk, « Effet Barnum » lan pa jis yon jwèt lespri. Li se yon kle pou konprann kijan nou pran desizyon epi kijan nou wè tèt nou nan sosyete a.

E ou menm, èske w panse w te deja viktim Efè Barnum san w pa t remake sa ?

Yon kesyon | Ribrik | RTMI

Sous : thedecisionlab.com

L’article Kisa ki « Effet Barnum » lan ? est apparu en premier sur Radio Télé Masseillan Info.