Chro-Lit : KAFE NAN KRICH

Si palè nasyonal te li nan liv 

Lanperè 

Zèv yo t ap kontinye 

Lamòt pa t ap mete seramik 

nan sitadèl Anri 

Si liv pa t pwa senkant pou nèg 

Yo t ap li kote yo di 

Lari a se salon pèp la 

Teyat nasyonal t ap wè klè 

Si liv la te ouvri devan Palmantè 

Bal pèpè 

Zòrèy kochon 

Chou pouri 

Pa t ap vann kwa bosal 

Men liv se pou save 

Nèg sòt mezire fòs li nan lajan 

Mande PHTK 

Kot lajan petwo karibe a 

Otè : Mèt Vèb

Mèt Vèb se non plim Guillol  VICIERE. 

Li fèt nan vil Kòtfè nan lane 1996.

Li gen yon diplòm nan administrasyon jeneral ak tèritoryal, epi l se etidyan memoran nan Antwopo-sosyoloji nan fakilte Etnoloji. 

Mèt Vèb yon ekriven wòdpòt , finalis « Prix René Depestre Paris 2023 » ak liv li ki titre « Lòsyè lanmou ».  Powèt la pa sispann travay, li gen anpil pwojè ki pral parèt tankou: 

« Douces villes et des baisers sauvages » (poésie)

« TAS Mabi » (Pwezi) 

« Kamyonèt sou Galeri » ( Pwezi) 

« Sou Kanal Panama »( Roman).