Poésie comme pansement

Chro-Lit inaugure une rubrique dédiée à la poésie comme baume des douleurs, un espace où les mots pansent les blessures et redonnent voix aux poètes. Pour ce premier numéro, nous vous invitons à plonger dans l’univers envoûtant de Mèt Vèb, un poète dont la plume soigne et répare.

I

Pa bò isit 

zèb ginen se chwal lafyèv 

galata kase koub 

nan bwote lavi twa pou senk kòb 

M te pran tan pou konprann 

yo pa chante antèman 

kilòt san kadav 

 se lomaren ki fèy bawon 

benyen Ezèli 

nan kwen je syèl 

m pote mak Pòtoprens 

sou kanivo lestomak mwen 

M gade Leta k ap sifoke rèv 

Grizongad sou pewon Maseyan 

powèm sa a se vwèl ki chire 

nan kannòt 

sou lanmè Plato santral

II

Pwèl ou mare nan lespri m 

Tankou  pèleren 

k ap travèse Kanpanyòl 

m konte on dividal priyè 

pou lèt la rive nan plan men w 

m ekri w 

pou zòrèy ou konnen

pa gen gouyad 

ni okenn lòt powèm 

nan lespri m

lè se kilòt ou ki fè drapo 

nan rara papa m 

nan dènye branch pwèl lèt la 

m kriye tankou lwa 

ki pa jwenn manje 

nan dans Lakou Soukri 

Cheri  

Jodi a syèl la bezwen saliv nou kwaze

pou lapli tonbe nan souf

pou krab fè recho

pran powèm sa a 

kache l nan kilòt ou 

epi fè m kado pwent tete w

se dènye dans k ap konte 

kapòt sou pewon katedral

III

M ekri w ak san pòtoprens sou rad mwen 

zorèy mwen nan yon konsè 

vip vap 

episkopal se mèt òkès 

Lanmò ak mwen ap etidye nan menm liv

tout sa m ganyen fè vwèl nan simityè 

kilòt ou te fè m kado a

 rete sou gran ri 

Cheri 

m ap kouri devan Leta 

Primati rale zam sou mwen 

se lanmou m pou ou ki kenbe m 

Yèswa Madan Kolo di m 

si m kite PHTK touye m 

se chen k ap manje m 

kò gwoup pran simityè an otaj 

Se pou sa m poko ka mouri pou ou

Men 

m renmen w tankou limyè sou gran ri 

tankou kilòt ki tann sou fetay vwazinay mòn Kalvè 

Pran powèm sa a 

pran kèm 

pran tout militans mwen 

plòtonnen yo nan soutyen w 

se dènye powèm nan

Mèt Vèb

Sous la direction de Feguerson Fegg THERMIDOR

ÉCRIVAIN-POÈTE

ecrivainfeguersonthermidor@gmail.com